Түбән Кама укучыларына Беслан фаҗигасе турында сөйләделәр
Быел ул вакыйгаларга 19 ел булды.
Габдулла Тукай исемендәге Түбән Кама үзәк китапханәсендә 9-10 сыйныф укучылары отставкадагы хәрби комиссар Фәрит Миңгәрәев белән очрашты.
Чара барышында ул мәктәп укучыларына теләктәшлек көненең барлыкка килү тарихын сөйләде һәм гадәттән тыш хәлләр буенча гамәли киңәшләр бирде.
Фәрит Миңгәрәев укучыларны моннан 19 ел элек 1 сентябрьнең тантаналы линейкасы вакытында булган Беслан фаҗигасе турында сөйләде.
«Бу куркыныч вакыйга балаларга каршы террор символына әверелде. Без үткәргән «Беслан корбаннарын искә алу» чарасы 2004 ел сентяберендә һәлак булган һәм исән калучыларга багышланды, — дип билгеләп үтте китапханә белгечләре.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев