Түбән Кама студенты хәрбиләр өчен беләзекләр үрү буенча дәрес үткәрде

Түбән Каманың агросәнәгать көллияте студенты Богдан Елфимов махсус хәрби операциядә катнашучы сугышчылар өчен махсус беләзекләр үрү буенча дәрес үткәрде.

Мастер-класста әтиләре МХО урынында булган студентлар катнашты.

Директорның тәрбия буенча киңәшчесе сөйләвенчә, студентлар беләзекләрне паракорд дигән материалдан үрәләр. Бер беләзекнең озынлыгы 3×4 метр тәшкил итә.

«Тактик беләзекләр яки исән калу беләзекләре — яралыларга жгут салу, кер киптерү, носилкалар ясау өчен кулланыла», — дип аңлатты ул.

Барлык ясалган беләзекләр МХО зонасындагы сугышчыларга Түбән Кама районының солдат әниләре комитеты рәисе Татьяна Абрамова җитәкчелегендә җибәреләчәк.