Түбән Кама салкын сусыз калачак

Алтынчы сентябрьдә Түбән Камада салкын суны сүндерәчәкләр. «Торак» («Жилье») идарәче компаниясендә хәбәр итүләренчә, суны сүндерү ремонт эшләре белән бәйле.

«Ремонт эшләре белән бәйле рәвештә салкын су белән тәэмин итү туктатыла. Су басымының кимүе, шәһәргә бирелә торган суның төсе үзгәрү, тонык булу ихтималы бар», — диелә хәбәрдә.

Салкын суны бирү вакыты әлегә билгеле түгел. Барлык сораулар буенча 8 (8555) 42-39-79 телефоны буенча мөрәҗәгать итәргә мөмкин.