Түбән Кама районында мөгезле эре терлек саны арткан

Түбән Кама районында мөгезле эре терлек саны арткан. Беренче июньгә барлыгы 11 829 баш исәпләнә, бу узган ел белән чагыштырганда 9 процентка күбрәк.

Бу хакта «эшлекле дүшәмбе»дә Түбән Кама муниципаль районы башкарма комитеты җитәкчесенең авыл хуҗалыгы буенча урынбасары Альфред Нигъмәтҗанов хәбәр итте.

Ит җитештерү дә арткан. Ел башыннан районның авыл хуҗалыгы предприятиеләре тере авырлык белән 9 715 тонна ит җитештергән, бу узган елның шул ук чорына караганда 4 процентка күбрәк.