Түбән Кама районында ике ФАПны капиталь төзекләндерәләр

Түбән Кама районының Борок авылында һәм Трудовой поселогында фельдшер-акушерлык пунктларына капиталь ремонт башланды. Бу хакта Түбән Кама шәһәр сәламәтлек саклау бүлегенең матбугат хезмәте хәбәр итә.

Хәзер анда стеналарны төзекләндерәләр, шуннан соң белгечләр электр белән тәэмин итү системаларын, сантехник җиһазларны алыштыруга һәм плитка салуга керешәчәк. Эшләр май ахырына кадәр тәмамланачак.

Фото: Түбән Кама шәһәр сәламәтлек саклау бүлеге