Түбән Кама районында 5 мең кубометр чүплек юкка чыгарылган

Быел Түбән Кама районында 35 чүплек юкка чыгарылган, аларның гомуми мәйданы 3 140 квадрат метр һәм күләме 4 935 кубометр тәшкил иткән.

ТР Экология һәм табигый байлыклар министрлыгының Кама аръягы территориаль идарәсе җитәкчесе Вадим Митрофанов дүшәмбе көнне планеркада сөйләгәнчә, ел башыннан 312 хокук бозу очрагы ачыкланган.

Быел атмосфера һавасының 192 пробасы алынган, 2017 анализ башкарылган, 6 очракта нормадан арту ачыкланган.

Гражданнардан барлыгы 1 374 мөрәҗәгать килгән. Хәбәрләр «Электронный документооборот», «Народный контроль», «Школьный эко-патруль» аша, шулай ук кайнар линия телефонына кабул ителә.