Түбән Кама яшьләр проектлары 3 млн сумлык грантлар алачак

Яшьләр сәясәте өлкәсендә социаль әһәмиятле проектларны гамәлгә ашыру буенча грантлар конкурсына йомгак ясалды.

Түбән Кама районыннан өч миллион сумнан артык дүрт проект җиңде, дип хәбәр итә яшьләр эшләре идарәсе матбугат хезмәте.

Әйтик, «Эйдос» үзәге «Берга булыйк» проекты өчен 400 мең сум акча алачак, «Камский Артек» үзәге «Яшүсмерләр һәм яшьләрнең иҗади профиль сменасы» өчен 1,2 млн сумлык грантка лаек булды, «Добро штаб» — «Центр содействия молодежи НМР РТ» проекты өчен 500 мең сум акча алачак, «Ковер» үзәге креатив индустрияләрне үстерү буенча «Мәдәни АРТ» проекты өчен бер миллион сумлык грант яулады.