Түбән Кама бала тудыру йортында 19 июньнән планлы дезинфекция башлана

Түбән Каманың перинаталь үзәгендә 19 июньнән 10 июльгә кадәр планлы дезинфекция үткәреләчәк, әмма йөкле хатыннарны кабул итү дәвам итәчәк.

Башта А корпусы, аннары Б корпусы ябылачак. Шуңа күрә булачак әниләр бернинди уңайсызлыклар кичермәячәк, дип ассызыклыйлар медицина учреждениесендә.

Санитар-гигиена юылуы һәм бала тудыру йортында дезинфекцияләү САНПИН 3.3686-21 нигезендә хатын-кызлар һәм яңа туган балалар иминлеге өчен үткәрелә.