ТР мөфтиенең беренче урынбасары Түбән Камада мәчет яны курслары укытучыларының хезмәтен югары бәяләде
Түбән Камада район мөхтәсибәте мәчетләре каршындагы якшәмбе курслары укытучылары форумы узды.
Чарада Татарстан мөфтиенең беренче урынбасары Рөстәм хәзрәт Вәлиуллин да булды. Мәчет яны курслары укытучылары бик кирәкле һәм мөһим эш алып бара, дип билгеләп үтте ул укытучыларга мөрәҗәгать итеп.
Мөхтәсибәт мәчетләрендә якшәмбе курсларында 60 ка якын укытучы укыта. Кичәге форумда аларның намуслы хезмәтләре өчен рәхмәт хатлары тапшырылды. Форум «Ковер» үзәгендә узды.
Ислам нигезләре курслары хәзер шәһәрдә дә популярлаша бара. Түбән Кама районы мәчетләре укытучылары форумда үз күнекмәләрен үстерә һәм яхшырта алды. Түбән Кама районы имам-мөхтәсибе Салих Хәзрәт Ибраһимов сүзләренчә, хәзер төп бурыч — бу өлкәгә яшь белгечләрне җәлеп итү.
«Бүгенге көндә бездә бөтен район буенча 60 ка якын укытучы бар. Нигездә бу кешеләр кайчандыр укытучы яки тәрбияче булып эшләгәннәр», — дип билгеләп үтте Салих Хәзрәт Ибраһимов.
Бу беренче форум, аны ел саен уздырырга планлаштыралар. Шул рәвешле дин укытучыларының квалификациясен күтәрергә һәм халык арасында фәннең популярлыгын арттырырга ниятлиләр.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев