Татарстан Хөкүмәте ата-аналарның балалар бакчасы өчен түләү күләмен раслады

Татарстан Хөкүмәте 2024-2026 елларда республиканың дәүләт һәм муниципаль балалар бакчаларында балаларны карау һәм тәрбияләү өчен ата-аналарның уртача түләү күләмен раслады.

Бишенче сентябрь карары «ТР Хокукый мәгълүматның рәсми порталы»нда басылып чыкты.

Документ нигезендә, ата-аналар түләячәк сумма гаиләдәге балалар санына, баланың яшенә һәм балалар бакчасының эш дәвамлылыгына бәйле рәвештә 705 сумнан 3613 сумга кадәр булачак. Тулы тариф челтәре белән карар текстында танышырга мөмкин.

Карар 2024 елның 1 гыйнварыннан үз көченә керә.