НКНХ хезмәткәре «Ел хатын-кызы. Ел ир-егете: хатын-кыз карашы» республика конкурсында җиңүче булды

«Полилаб Нижнекамск» полимер материалларның гамәли эшләнмәләре үзәгенең баш белгече «Минем һөнәрем — минем язмышым. Производствода хатын-кыз» номинациясендә лауреат булды. «Нижнекамскнефтехим» да Лилия 6 ел эшли. 

Профессиональ стажы чагыштырмача аз булуга карамастан, Лилия Гыйзетдинова — берничә рационализаторлык тәкъдимнәренең автордашы, 35кә якын тәҗрибә-сәнәгать сынауларын озата бара. Лилиянең казанышлары «Ел инженеры» Бөтенроссия конкурсында тәкъдим ителә, анда ул шулай ук бүләк белән билгеләнә.

Лилия — җитештерүдә хземәт куючы яшьләрнең ачык бер вәкиле. Конкурста ул үз номинациясендә иң яшь катнашучы була һәм жюрины һөнәри казанышлары белән генә түгел, ә иҗади сәләтләре белән дә гаҗәпләндерә. Лилиянең берничә иҗади хоббисы бар: ул гитарада уйный, бисероплетение белән шөгыльләнә, барельефлар ясый.

«Ел Хатын-кызы. Ел ир-аты: хатын-кыз карашы» конкурсы 10 номинация буенча уздырыла. Барлыгы 300дән артык гариза килгән. Максатчан булуларын дәлилләгән, һөнәри һәм иҗтимагый эшчәнлекләрендә югары нәтиҗәләр күрсәткән 25 хатын-кыз җиңүче исемен яулады.

Бүләкләү тантанасы Муса Җәлил исемендәге Татар дәүләт академия опера һәм балет театрында узды. Бүләкләрне лауреатларга республика Дәүләт Советы Рәисе урынбасары Марат Әхмәтов тапшырды.