Метеорологлар: Камада язгы ташу гадәттәгедән 2-3 атна соңрак башланачак

Быел Идел һәм Камада язгы ташу гадәттәгедән 2-3 атна соңрак башланачак.

Россия су ресурслары һәм Гидрометеоүзәк белгечләре фаразлавынча, моның сәбәбе — кар катламының саклануы һәм төнге сәгатьләрдә температураның түбән булуда.

Шуңа да карамастан, ташу мул булачак. Бар булган кар эри башлагач, суның гомуми күләме күпьеллык уртача күрсәткечләрдән югарырак көтелә, дип хәбәр итә «Метеовести» порталы.

Яз әлегә Татарстанга килергә ашыкмый. Төнге сәгатьләрдә һава температурасы −14 градуска кадәр төшә. Моннан тыш, якын көннәрдә синоптиклар республикада кар явар дип фаразлый.

14 мартка Түбән Кама районы сулыкларында бозның тыгыз структурасы күзәтелә, су чыккан урыннар — җылулар әлегә юк.