Кыш көне Түбән Кама районында 36 шугалак эшләячәк

Быел Түбән Камада 25 җиһазландырылган боз шугалаклары ачылачак, тагын 11е — районда. Шугалаклар территориясендә прокат пунктлары эшләячәк.

Шәһәр халкы тимераякларда «Шинник» спорткомплексында, «СемьЯ» паркында йөри алачак. «Нефтехимиклар» паркында шугалакның эшләве-эшләмәве әлегә төгәл билгеле түгел.

Моннан тыш, «Батыр» физкультура-сәламәтләндерү комплексы территориясендә чаңгы мәктәбе эшли. Чаңгы спортын яратучылар «Алмаш» базасында да шөгыльләнә алачак. Яктыртылган трассалар 22 сәгатькә кадәр эшли дип планлаштырыла.