Депутатлар тротуар буенча электросамокатларда йөрүне тыюны тәкъдим итте

Дәүләт Думасы депутатлары Эчке эшләр министрлыгына һәм транспорт министрлыгына шәхси мобильлек чаралары (средства индивидуальной мобильности — СИМ) өчен яңа чикләүләр кертү тәкъдиме белән мөрәҗәгать җибәрде. Бу хакта «Известия» хәбәр итә.

Аерым алганда, закон чыгаручылар максималь рөхсәт ителгән тизлекне сәгатенә 15 километрга кадәр киметергә, җәяүлеләр юлында электр самокатларында йөрүне тыюны тәкъдим итә. Шулай ук депутатлар фикеренчә, электр самокатлары белән бары тик балигъ булганнар гына идарә итәргә тиеш.

Мөрәҗәгать авторлары мондый чараларның кирәклеген СИМ катнашындагы юл-транспорт һәлакәтләренең өзлексез үсүе белән дәлилли.