Түбән Каманы 9 Май алдыннан ветераннар фотолары белән бизәячәкләр

«Яшь буынга киңәш» («Совет молодому поколению») — Түбән Камада шундый исемдәге проект старт алды. Ул Бөек Ватан сугышында Җиңүнең 80 еллыгына багышланган.

Проект буенча бәйрәм алдыннан шәһәрнең халык күп булган урыннарында ветераннарның фотоларын урнаштырачаклар. 

Бүген ветераннарны һәм аларга тиңләштерелгән әби-бабайларны фотосессия өчен шәһәр администрациясенә чакырдылар. Моннан тыш, кунаклар өчен чәй өстәле оештырылды, аларга бүләкләр тапшырылды.