Тәҗрибәле бакчачы киләчәк уңышны эсседән саклау буенча киңәшләр бирде

Казаннан тәҗрибәле бакчачы Николай Свиридов үсемлекләрне эсседән саклау буенча киңәшләре белән уртаклашты. Киңәшләрне «КП — Казан» басмасы тәкъдим итә.

Теплицаларны эссе вакытта ике яктан да ачык тотарга кирәк, дип киңәш итә бакчачы, чөнки урамда +30 градус булганда, теплицада һава +50гә кадәр җылынырга мөмкин.

Свиридов сүзләренчә, иртән һәм кич мул итеп су сибәргә кирәк, ә җир дымны тотсын өчен, түтәлләргә мүлчә салырга мөмкин. Моны болай эшлиләр: салам, торф, вак таш, уталга чүп, тирес яки кисеп алынган үләнне туфракка 5-10 сантиметрлы катлам белән, тыгызламыйча салалар.

Эсседә җирне ашлау киңәш ителми, чөнки бакчачы фикеренчә, үсемлекләр шулай ук стресс кичерә, ә ашламалар аны көчәйтә генә.

Шулай ук, түтәлләргә күләгә ясарга да була.