Яңа пунктлар ачыла

Хәзерге вакытта Түбән Кама районында 25 фельдшер-акушерлык пункты эшли. Быел тагын ике пункт ачылырга тиеш. Алар Балчыклы һәм Түбән Уратма авылларында төзелә.
Авыл җирендә эшләргә риза булучы 35 яшькә кадәрге табибларга, кызыксындыру максатыннан, 1 миллион сум акча бирелә. 2011 елда килгән яки 2012 елда киләчәк табибларга да шундый ярдәм булачак. Авылда эшләргә кайтучы яшь табибларның торак мәсьәләсен хәл итүдә дә ярдәм күрсәтелә. Татарстанда, авыл җирендә эшләүче яшь табибларга 100 мең сум күләмендә өстәмә компенсация түләү каралган. Түбән Камага башка төбәкләрдән килүче табиблар торак белән тәэмин ителә.