Түбән Кама районында җирне туңга сөрү эшләре дәвам итә

Бу хакта Түбән Кама хакимияте матбугат хезмәте хәбәр итә.

Агымдагы эш нәтиҗәләре буенча «Орсис-Агро» механизаторлары туңга сөрү буенча лидер булган. Беренче урында – Денис Герасимов, ул 839 га җир сукалаган. Икенче урында – Александр Карягин (744 га), өченче урында – Александр Тимшин (660 га).

«Быел без 30867 га мәйданны туңга сөрергә планлаштырабыз, бүгенгә көндә эш 18000 га мәйданда башкарылды!» – дип яза үзенең социаль челтәрендәге сәхифәсендә Түбән Кама муниципаль районы Башкарма комитеты җитәкчесенең авыл хуҗалыгы буенча урынбасары Альфред Нигъмәтҗанов.