Түбән Кама районында урып-җыю эшләренә керештеләр

Бу хакта Түбән Кама районы башкарма комитеты җитәкчесенең авыл хуҗалыгы буенча урынбасары Альфред Нигъмәтҗанов «ВКонтакте»дагы битендә хәбәр итә.

«Игенчеләребез уракка төште. «Агромол» җәмгыяте һәм «Агросила Групп»ка караган «Восток» агрофирмасы эшчеләре көзге бодай һәм шепкән суктыра башлады. «Орсис -Агро» хезмәтчәннәре көзге бодайны теземнәргә сала», – дип яза Нигъмәтҗанов.

Җитәкче урынбасары белдерүенчә, быел Түбән Кама районында 24 мең га мәйданда бөртекле-кузаклы һәм 11,5 мең га мәйданда техник культураларны җыеп аласы бар.