Льготалы кредитлар

«Агропромышленность комплексын үстерү» программасы тормышка ашырыла башлаганнан бирле, муниципаль районда 1079 кешегә барлыгы 214 миллион сум льготалы кредит тапшырылган.
Мондый максатчан кредитлар авыл кешеләренә мал-туар, авыл хуҗалыгы техникасы һәм аңа ягулык, чәчүлек орлык сатып алу, сарайлар төзү һ.б. өчен кирәк. 2011 елда гына 76 миллион сумлык 344 кредит бирелгән. Бу районда уртача һәр 100 йортка 16 кредит туры килә, дигән сүз. Макаровка (31), Түбән Уратма (28,2), Сухрау (29,9), Кызыл Чапчак (27,1) һәм Майская Горка (28,3) авыл җирлекләре иң зур күрсәткечләргә ия.