Түбән Каманың өченче сыйныф укучысы Бөтенроссия матурлык бәйгесендә җиңү яулады

Түбән Каманың 32 нче гимназиясенең өченче сыйныф укучысы Диана Минһаҗетдинова «Изящная юная Мисс России 2023» Бөтенроссия матурлык бәйгесендә җиңү яулады.

Шулай ук ул Россиянең иң танылган дизайнерлары катнашындагы «Самые гламурные дети» мода көнендә чыгыш ясый.

Балалар конкурсы Мәскәүдә узган. Диана матурлык бәйгеләрендә һәм мода күрсәтүләрендә еш катнаша. Моннан тыш, ул инде рекламада төшә, ә аның фотолары мода журналларында басыла. Болардан тыш, Диана укуда да алдынгы.