Түбән Каманың имам-мөхтәсибе Арарат тавына менде

Конфессияара экспедиция Арарат тавының башына менгән. Бу хакта Түбән Кама имам-мөхтәсибе Салих хәзрәт Ибраһимов сөйләде.

Команда составына Татарстан Республикасы мөфтие Камил хәзрәт Сәмигуллин, ТР мөселманнары Диния нәзарәте аппараты җитәкчесе, Болгар тарихи тыюлыгының Ак мәчете имамы, Татарстан метрополиясе иеромонахы Амвросий һәм иеромонахы Варсанофий, спортчы-чемпионнар, эшмәкәрләр һәм төрекләрнең иҗтимагый оешмалары вәкилләре керде.