Түбән Кама тире-венерология диспансерының баш табибы «Фидакарь хезмәте өчен» медале белән бүләкләнде

Түбән Кама тире-венерология диспансерының баш табибы Александр Карпов «Фидакарь хезмәте өчен» медале белән бүләкләнде. Бу хакта Түбән Кама муниципаль районы Сәламәтлек саклау идарәсе матбугат хезмәте хәбәр итә.

Бүләкләү тантанасы Татарстан Республикасы Сәламәтлек саклау министрлыгында узды. 

Александр Карпов диспансерны 2007 елдан бирле җитәкли. Татарстан Республикасының атказанган табибы, югары квалификация категориясенә ия. Һөнәре буенча инде 30 ел эшли, 1982 елда Кубань медицина институтын тәмамлый.

Александр Анатольевич бүләген халык сәламәтлеген саклау эшенә зур өлеш керткәне һәм күпьеллык намуслы хезмәте өчен алды.