Түбән Кама янгын сүндерүчеләре республика конкурсында иң яхшы нәтиҗә күрсәтте

Түбән Кама янгын сүндерүчеләре «Лучший работник договорных подразделений» конкурсының республика этабында иң яхшылары булды.

Россия гадәттән тыш хәлләр министрлыгының ТР буенча баш идарәсе матбугат хезмәте хәбәр иткәнчә, түбәнкамалылар мактау пьедесталының өч баскычын да яулаган. 

Ярышлар Казанда узды. Ут белән көрәшүчеләр һөнәри белем һәм физик әзерлек буенча ярышты.

Моннан тыш, Түбән Кама егетләре 30 сораудан торган теоретик белемнәрне сынауда бер генә хата да җибәрмәде. Егетләрне ярышларга 90 нчы ПСЧ бүлекчәсе командиры Андрей Семашкин әзерләгән.