Түбән Кама футбол командасы Иван Болодурин истәлегенә турнирда призлы урын алды

Түбән Камада Советлар Союзы Герое Иван Болодурин истәлегенә багышланган футбол буенча 39 нчы турнирга йомгак ясалды. Ярышларда барлыгы 240 футболчы катнашкан, 36 уен уйналган.

Җиңүчеләр — Ижевск командасы, икенче урынны Түбән Кама футболчылары алды, Чаллыдан «Камаз» СК лидерлар өчлеген япты.

Моннан тыш, Түбән Кама спортчылары төрле номинацияләрдә җиңүче булдылар — иң яхшы капкачы, иң яхшы бомбардир, шулай ук капкачы Булат Байхузин тамашачылар симпатиясе бүләген алды.