Рөстәм Миңнеханов Шәңгәлче авыл җирлеге башлыгына медаль тапшырды

Шәңгәлче авыл җирлеге башлыгы Рамил Сәлимов «Татарстан Республикасында җирле үзидарәне үстерүдә күрсәткән хезмәтләре өчен» медале белән бүләкләнде. Бу хакта Түбән Кама районы хакимиятенең матбугат хезмәте хәбәр итә.

Бүләкне аңа Казанда җирле үзидарә көненә багышланган чарада ТР Рәисе Рөстәм Миңнеханов тапшырды.

«Рамил Хәсәновичны лаеклы бүләге белән котлыйбыз, сәламәтлек, уңышлы эшчәнлек, барлык яхшы башлангычларда уңышлар һәм казанышлар телибез!» — дип яза матбугат хезмәте.