Түбән Камада кайда ял итәргә

«Түбән Кама белешмәлеге»нең «Түбән Камада ял» дип аталган бүлегендә җәйге сезонда ял итәргә мөмкин булган урыннар белән таныштырабыз. Шәһәрлеләр, шәһәр кунаклары өчен кызыну, су коену, күләгәдә ял итү урыннары турында тулы мәгълүмат шушы бүлектә тупланган. 

Түбән Камада, кагыйдә буларак, су коену сезонында бер рәсми пляж эшли. Ул Красный Ключ бистәсендә урнашкан «Кама» комлыгы. Күптән түгел ул яр буе белән бергә үзгәртеп корылды, шуңа күрә хәзер, мәсәлән, Төркия яр буендагы пляждан ким күренми.

Шәһәр кунаклары пляжда булу белән бергә яр буенда йөри алалар, анда балык фигуралары белән фотога төшәргә мөмкин. Шулай ук Түбән Каманың истәлекле урыннарының берсен — «Изге чишмә»не карарга мөмкин. Ул бик якында гына урнашкан. Моннан тыш, Әхсән Фәтхетдинов исемендәге музейга бару да кызыклы булачак.

Түбән Кама районында бары тик Кама Аланы шәһәр тибындагы поселокта урнашкан «Мандарин» пляжында гына су коенырга рөхсәт ителә.

Әлбәттә, Түбән Камада су коену урыннары күп: кемдер бакча массивларына якын урнашкан күлләрдә суынырга ярата, кемдер Иске Каманы өстен күрә, районда да сулыклар аз түгел. Әмма аларда тикшерү уздырылмый, сулык төпләре тикшерелми, шуңа күрә анда коену куркынычсыз түгел. Нәкъ менә шуңа күрә Түбән Камада тиешсез урыннарда коенган өчен җитди штрафлар каралган. Шулай булгач, үз тормышыңны һәм акчаларыңны куркыныч астына куймаска, һәм суга бары тик моның өчен рөхсәт ителгән урында гына керергә кирәк.

Кама (татарча — Чулман) — Россиянең Европа өлешендә урнашкан иң зур елгаларның берсе. Елганың озынлыгы 1 805 километр тәшкил итә. Кама — Иделнең иң зур сулъяк кушылдыгы.

Чулман турында беренче тапкыр рус елъязмаларында 1220 елда искә алына. Алардан күренгәнчә, Чулман буйлап ясак җыю өчен новгородлылар күтәрелгән.

Түбән Кама районында Чулман елгасының кушылдыгы — Зәй һәм Чишмә елгалары — балыкчыларның яраткан урыннары. Чулман елгасы Татарстан, Удмуртия, Киров өлкәсе, Пермь крае, Удмуртия һәм Башкортостан чикләре буйлап ага. Кама озынлыгы буенча Европада җиденче елга булып тора.